CSC

Historia di nos scol

 

For di aña 1867 Savaneta a haya reconocimento como centro di e di 4 districto di Aruba. E tempo ey e tabata Commandeursbaai. Tabata Obispo Ewijk cu a laga usa un local chikito como scol na 1874. Na aña 1876 e Soeurnan di Caridad a traha akinan cu 51 discipulo. Varios maestro a traha cu dedicacion pa e districto nobo e.o. Herry Croes y Shon Piet Croes. For di 1902 te cu 1909 a traha riba un scol nobo. E ora e Soeurnan di Roosendaal a tuma scol di Savaneta. Oficialmente esaki a bira un scol catolico.

 

Como cu e cantidad di alumno a crece na 1940 mester a bolbe pensa riba expancion. A dicidi e ora pa dividi e scol den dos; un scol pa mucha homber y un pa mucha muher. Scol di Savaneta a bira Scol Sagrado Coerazon y despues a parti den e dos scolnan: St. Antoniusschool y Heilig Hart School. E dos scolnan aki a sigui crece y a bira mixto atrobe. Na 1974 St. Antoniusschool a stop di existi y ta Heilig Hart College a keda. Desde 1999 e number aki a cambia oficialmente den ‘Colegio Sagrado Curason’.

 

Hopi frère y soeur a hasie trabounan bunita pa e hubentud di Savaneta. Pero for di aña 1910 a cuminsa haya nos propio hendenan pa duna les. Actualmente Colegio Sagrado Curason ta conta cu 18 klas y nos ta e scol basico catolico di mas grandi di Aruba.